الصارم اعتق له كبير السياحين=وسرا يابو بندر مسار الذيابه
سرا بتال الليال والناس ممسين=والصبح قد عقَّب لنجد وهضابه
لعاد تنشد وين ولاّ على وين=روّح مراح اللي قفته السحابه
وابو جزاء في السجن ماض له سنين=في عنبره قضا لزهرة شبابه
اسمه مسجل في سجل العناوين=وصدر بحقه حكم حد الحرابه
بغا يبرّك وسط ذيك الميادين=ونخا بعال الصوت ربعه عتابه
ثم احتموله ملحقين المخلين=وفكّو يابو بندر لحضرة جنابه
وان كان تشكي حب مدعوجة العين=حبن تمكن بالخفوق وسطابه
لابد لك من يوم والخافي يبين=ويبيّن اللي كاوي لك غيابه
والله على الايام يامحمد يعين=دنياك هاذي وقفتن وانقلابه
وفيت لك مع ناس مهب وافين=ومن راح راح ولاتحسب لحسابه
لاتطرد اللي عنك راحو مقفين=الصيف محدن قيل لحق لسرابه
انته عزيز ومن رجال ً عزيزين=من لابتن مهيب بـ آيات لابه
نفخربها في ماضي الوقت واللحين=وتفخربها معنا قبايل شبابه