*ياهاجسي هات من شاني جزيل البيوت=دام القريحه .. معك وتغنّي الحانها

ماعاد يغريك فالدنيا كثير السكوت=خل السحابه تهلّ بخير .. ودّانها

شهرين ماداجت الافكار نبت الخبوت=من ضيقةً في ضميري مرتفع شانها

جريت معها اللّحن / لعبت معها البلوت=اصك بيبانها .. /* ( وتفك بيبانها )

ادعي عساها توفّى مير عيت تموت=لا قلت راحت / تطيّرني .. بجنحانها

اقول غصن الثمر مافيه خوخه وتوت ؟=وتقول مافيه غير الحنظله .. عانها

صبرت والصبر طال وقلت يمكن تفوت=واثر همومي على الحبه ونيشانها