عزي لقلبٍ ليا ذعذع من الشرق نود=ما كان يخفيه من وناته ايبانيه
وعينن ليا حل طاريهم بماها تجود=وادلاجةٍ من بعد ماغاب تغشانيه
لامن تعاطف يسر ولامنه جا صدود=بيني وبينه ترد وتصدّْر السانيه
ان قلت قاطع فانا للطيب صاير جحود=ولا اقر بالوصل دام النفع ماجانيه
السحر يكمن مابين امبيسمه والخدود=حلال لو تشتكي ماوالله ايدانيه
يصلح اتسمى الثريا وان بغيت العنود=او سمها بدر ليلة نصف شعبانيه