تكفى دندن وسمعني الصوت يالجوال=معه بانشغل مادام هالناس مشغوله
ابا اسمع نباه العذب واسمعه موال=لعله ايليَّن قلبه الصلد مدلوله
سمعي يستلذ بهرجه ويستريح البال=وتصير المشاعر كلها معه موصوله
ليا صار حولي قلت ليل الشتا ماطال=واقول ان فقدته ياملا الليل ياطوله
وتصير القوافي لاحوت له وصوف اجزال=وقصيده خلت من ذكره اتصير مملوله
لعل المزون اللي لها ممطرٍ همال=تخاضر من الما لاانهمل لون هملوله
من الاطوله لمثلثه وامش به شمال=والواد المسمى يوقف الساري سيوله