ماكل رجالٍ يسد المهمات= ولا من ضحك لك عنده اتكون غالي
رجلٍ تحطه بايمنك فالملمات= ورجلٍ تيامن عنه والراس عالي
اثنين لي ياعبيد كانوا بمافات=نايف رحل ومحمد اللي بقالي
عسى مقر اللي فقدنا بجنات=وتعمه برحماك ياذالجلالي
ومن عاش مهل له سنينن طويلات=والا البرايا كلها للزوالي

ياهجوز الشعر جت حزة الفزعه تعال=رتب بيوت القصيده وهات اجزالها
عطني اسهل لفظ لحروفها وابسط مثال=مالي وعسر المعاني وهي بي مالها
مرحبا في مرحبا يا كريمين السبال=في حفل ربعٍ ربيع الضيوف احلالها
في حفل مسعود ذيب السرب قرم العيال=ابن من قولة نعم من فعوله نالها
رقم واحد لو يفاضل بها بين الرجال=ونعم لو كثرة بالالسن يا قل رجالها
يوم بعض الناس بعضودها بان الهزال=ياعسى صكات بقعا القويه فالها
كان ابو مسعود ركنن قوي ولا يزال=ما يخالف فعله الكلمه اللي قالها
الصياني والمباخر ورسلان الدلال=الدهق والطيب واغلى الغنم تعبالها
من رجالٍ يوم امان البلد فيه اختلال=قبل ابو تركي يومن امخيف اسبالها
راسيه في نجد برقا كما شم الجبال=في عجافٍ من قساها تروع اهوالها
وبين برقا وروق في نجد ما لحدٍ مجال=لين غنت لخو نوره وهو غنى لها
واستتب الأمن فيها برحمة ذالجلال=من عرين اسودها كوِّن أمن إطفالها
وكلٍ ايجيد المدايح وتنميق المقال= بس الأشهر تنعرف من طلوع هلالها

سبحانه من اغنى رجال بقدرته وافقر رجال=اغنى لحكمه وافقر بعدله وكل الحمد له
ومن فيه ذارب ينقصه غطا على نقصه بمال=ولولاه غطا نقصه الفنجال ما ينمد له