برش الورد لقدومك هلا يازين هالطله=هلا والعين لك مجلس يازين اللي جلس فيها
هلا والورد يشهدلك بأن فيك الحلا كله=هلا والعطر شميته من الكلمة ومعانيها
هلا والشوق له صرخه فراق وماعرف حله=هلا والوصل له موعد وله كلمة وناويها
حضورك صمّت اشعاري بحور الشعر محتله=انا اصبحت كالعبره تبي من هو يداويها
حضورك لم لم جروحي وداوها من العله=ضماد الجرح هي بسمه تجي منك واداريها
تمكن حبك بقلبي على هونك هداك الله=كثير الناس تحسدنا واقول الله يهديها
هلابك ياضيا عيني هلابك والزعل خله=شموعاً باللقا نارت طلبتك لا تطفيها