ياهجوسي قربي جاي فالجو العليل=ارتخيلي لين اوردك من جال لجال
شاعرٍ جتني بيوته على ألٍ وايل=العذر ماهوب مقبول مافيها جدال
مرحبا ياشاعر الجيل يالسيف الصقيل=مرحبا يامحزمي في مقابيل الليال
يالحصان اليوم وش فيك جايلك صهيل=ياعسى ماباس جاوب على قد السوال
والله اني خابرك ظلع لايمكن يميل=لو يميل طويق وتميل ظلعان الطوال
مير ماصار لك اعرفه شنيع ومستحيل=تشتكي من شي ماهوب اشد من الثقال
الهواء اللي خض قلبك مثل خض الصميل=اشهد انه جايرٍ ماتحمله الجبال
كان ماتقدر تحمل فراقه يالاصيل=الك فزعه وافيه بين عمان وخوال
نرخص الغالي على شان منسوع الجديل=وناخذه بالطيب والجاه ولا بالريال
قبل اخطفه واركبه معك تحت جناح ليل=كان ماكفتك هذي تخير ثم تعال