هبي علينا يا هبوب النسانيس=هبي علي من هم صدره دوابه
وفكره سري به وابعدته الهواجيس=والليل موحش واستضاق الفضاء به
سهراان يسبر بالنجووم المراويس=بينه وبين النوم حرب وحرابه
كنه وري البيبان ضمن المحابيس=سجين واقفي وسط سجنه شبابه
تلخبطت عنده جميع المقابيس=يحسب وتالي الوقت ضيع حسابه
يسمع بقلبه مثل وخز الدبابيس=من وقته اللي شاف منه الغرابه
وقتن يعز الااش ويطاوع الهيس=ويعصي الكريم اللي عزيزن جنابه
كم واحدن عزه وعبي له الكيس=لكن حساافه ما يجي الا الزلابه
شحيح ماله في دروبه النواميس=لا قيل حيا به ولا مرحبا به
لي صار ما يشبع بطون المفاليس=ولا الفقير اللي وقف عنده بابه
دنفوس يحسب من كبار الدنافيس=ماله مع اهل الطيب علمن رقا به
عمر الرخم ما حام فوق القرانيس=وعمر الثعل ما دل مسري الذيابه
نعيش بالدنيا عزازن واشاويس=وان جار حمل الوقت زدنا صلابه
نرضي بمقسوم الله ونلعن ابليس=لي قام طير البين ينعق غرابه