يامن ذكرلـي بكرةٍ ضاعت العام
وضحـا شـناح ولاعـليـها وسـيمه
يوم الربيع الزين فـي عرق لزّام
واليوم مـدري بِي ديـره مقيمه
مع ضف بدوانن غدو عدّة اقسام
والكـل من هـم ضاربٍ له خريـمه
مدري مع اللّي حـدّرو يم الاوجام
ولاّ مـع اللّي سـنّـدو للقــضـيـمه
مرباعـها دوجت به خـمـسة ايّام
نقّظ عـلى قـلبي اجـروحٍ قديـمه
والعين هـلـّة دمعها فوق الاكمام
يوم استهـلّة كـنّها اطراف ديـمه
واركيت نيباني على راس الابهام
كــنّي بريّـن متّهــم في جـريـمه
وجدي عليها وجد رغده ال صدّام
يوم اشنقوه اهل القلوب اللّئيمه
مثل الخيال اللّي تـوارد بالاحـلام
صاحت عـقب فـرقاه صيحه أليمه
امرٍ مقدّر ونـطـوت صـفـحـة ألاام
حـقق شـهادة فـوز واكـبر غـنيمه
فـيه الشـهامه حطّمة كـل الارقام
سـجّل له التاريخ بـصـمه عـظيمه
هذا الشجـيع اللّي تحـلاّ بالاسـلام
موته شهيد ولاحـيات الـهـزيـمه
عـقبه غـدا بـغداد مـسـرح للغـام
ياشينها ياهل القـلوب الفـهيمه
التوقيع مساعد الجليدي