عوبٍ من الجزلات ماهي خراميط=مثل النجوم الساريات الصواطع
عوبٍ على هداج وردن شماحيط=مار البلا هداج ياحميد راطع
ناسٍ تجمّل باالحكا والمهاييط=لاجيت واحدهم عطاء الدرب هاطع
ناسٍ على الفنجال تكتب شخابيط=وناسٍ بها فقرٍ على الكبد لاطع
وناسٍ تصنّع مبعدات المخابيط=وناسٍ تسوّي للسبايك قواطع
وناسٍ على درب الخطاء والتفاحيط=راحو ضحايا بين كتف وتقاطع
هذا زمان الكهكهه والخرابيط=ومتابع الجوّال ضحك ومقاطع
وقتٍ ضحك لمصلحين الملاقيط=واستفرسن به لابسات المقاطع
اقفا زمان اهل الوفى والمصافيط=واقسف قمرهم عقب ماكان صاطع
يالله تجنبنا الفتن والصواخيط=وجعل لنا صدقٍ مع الناس ناطع
ناطع بياظه ماتشوبه خواليط=دعـوة تقيّن مارجاء مد قاطع