حـرقــني وليفي مثـل مايحرق الـجــــاوي


عـلى جمر سمر وباالــمـجالـس يـــديـرونه


عــــسا الله يبيـحه ناعـس الطـرف مـاياوي


تــمـتادا بتــعــذيــبي وانا فـــدوة عيونه


عــلى طاري الذكــــرى سهم عـينه الهاوي


يفـج الضلـوع ويقــتـفي ســـابق طـــعـونه



تـنـحــّا شـمالٍ غــرب وانــحيت شـرقـاوي


وكـــلٍ حــداه الوقـت واقـفــت به ضعـونه


الا واوجــودي وجــــــد مـن ليله الضــاوي


يجـمّـع هـمــــومه لـــين يشعـل بغــليونه


مــضاله ثـمان سنين مـــجروح ومـهـــاوي


وخـــــله بـعــيـد وحالـو اقـراب مـن دونه


طـــــواه الــفـراق وراح فـي ذمّـة الــراوي


عـلى فراق مضنونه لــقــى ناس ينــعـونه


على جــادلٍ يبحث خـفى القـلب ويـــداوي


جروحٍ لــها عامـين باالــقـلـــــب مدفــونه


طـواني علـيه مــن الغـــلا والــهوى طاوي


كـــما طي رول نحــاس بالنــار يصلــــــونه


عـــلى نار مصنع غــرب مـاداره الشـــاوي


يذوب الحــــــديد وباالمعامـل يصــــــبّونه