ليا جاء لميَّال الجرايد وحيفه=وهزيزهن خلى السعف يعزف الحان
وونت براس ام العسيب المنيفه=ورقاً بمسحوبٍ يصوت للاحزان
ونيت لو ماهيب مني طريفه=منها جميع اللي خفا للملا بان
آثارها اللي جانبيه مخيفه=اقلها الجلطه وتعطيل شريان
ورجفاتها بين المحاني عنيفه=من ونتي رحت بخبر كان ما كان
وكان الغزل شكوى الوليف لوليفه=ودمعٍ يهل لذكر مافات هتان
وحزنن على ذكرى ليالٍ مريفه= الله لايذكر طروقه بالاحسان
وان جا على تمجيد هيفا عفيفه=في قلب مغليها غدا شانها شان
فهذا هواي وكل شاعر بكيفه=وذا مختصر ماقلت والعلم نيشان