دك الســحاب ورذرذة ديـم مـع برد
وقمـت أتـذكر ناعـس الـطــرف وينه
وهب الشمال وفـاح بالطـيـب والورد
وريــح الـنـفـل بـفـيـاضـهـا خابرينه
مدهال خـشف الريم وأصنافه الشرد
ماحـدتـه عـذفـا عـلى أطـراف لينه
أنـا بــلايــه واحــد مــنـفــرد فرد
بـالزيـن مايـوجـد مـع الـناس زينه
حرام مايوجد مـع البيض لـه حـرد
عـنـدي وكـلٍ مـعـجـبٍ فــي ضنينه
فـرقه كمـا فـرق الجديده عـن الجرد
أركـت عـلي كـبدي عـراقــي مزينه
مـاهي قـصير ولا طـويله مـن الـسرد
مـاهي دقـاقـه حيـل مـاهـي متينه
علـيـه مـن دمّـة هـل الـشـام والكرد
وعـليـه مـن ريـم الـتـهـاتيـه عـينه
الله يـجيره مـن غـثـا الأنـس والـمرد
وعـسا الـعـمى لـعيونـهم حاسدينه
شـفـته عـلى عـدٍ عـلـى جالـه الـورد
تـكـثر ويـملا راعــي الـصنـف عـينه
مـن دونـهـا فـيـحان وسهـاله الـجرد
حـالـة ظروف الـوقـت بـيـني وبينه
وجـدي عـليها وجد من طــاح والطرد
حـامي وطـيسـه والـمكـاسب ثـمينه
وصاحت مزايين البني حـامي الحرد
خـوذو بـثـاره مـوت مـثـلــه غبـينه
وياناس شـاب الـقـاف مـاينفع السـرد
وأنـا هـوايــه شـوف مـوضـي جبينه
التوقيع مساعد الجليدي