السلام عليكم ورحمة الله وبركاتة


اهداء متواضع لكم





الف:اولف من جزيل المعاني
ما جال في صدري نطق به لساني



والباء:بدعت القاف والقاف معنى
وقافٍ بلا معنى ترى ماهواني



والتاء:ترى للشعر معنى وغايه
ياطيب شعرٍ جملته المعاني



والثاء:ثلاث سنين والقلب مغرم
مع واحدن يا ناس حبه بلاني



والجيم:جابه حظي اللي قردني
وسلمت سيفي والعصاء والحصاني



والحاء:حلفنا مانخون العلاقه
ما انساه دامه صاحبي مانساني



والخاء:خلاص الروح معها اسيره
اسيرتن في يدين دعج العياني



والداء:دواء قلبي وغاية مرامه
شوفة لطيف الروح صاف الثماني



والذاء:ذهاب الحال مما يسله
من شافني يقول وش فيك فاني



والراء:رهيف الخد مبعد وغايب
ودي بوصله مير وقتي حداني



والزاء:زماني ما صفت لي لياله
يقبل ظلامة كل ما النور باني



والسين:سافرنا ندور دياره
ننشد عنة فاالبر واهل المباني



والشين:شاب الراس والعمر يجري
واللي وطى عنتر وعبلة وطاني



والصاد:صابر والصبر وصل حده
مايحتمل قلب العنا لو ثواني



والضاد:ضامي مير ما ينفع الماء
روي ضماية صاحبي لا سقاني



والطاء:طوال الوقت والفكر شارد
هاذي معاناتي وغيري يعاني



والظاء:ظروف الوقت وقفت بوجهي
عجزت اصارع ماجرى في زماني



والعين: عياءالحظ ياقف بصفي
كم مرة فيها نخيته عصاني



والغين:غاب النوم والسهر عاده
اسهر طوال الليل حتى الاذاني



والفاء:فراقة منه حالي رديه
رحت الاطباء والدواء ماشفاني



والقاف:قالوا كان تبغى علاجك
عند الذي تهواه مافيه ثاني



والكاف:كافي ياحياتي تغلي
تراك فيني ماكسبت الحساني



واللام:لم الجرح يانور عيني
انا فديت اللي برووحه فداني



والميم:مد اليد لي يا حبيبي
انت الدواء وانت الرجاء والاماني



والنون:نعرف كل شي مقدر
مايكتبه ربي على العبد كاني



والهاء:هجوسٍ فا الضماير وقلتها
والامر واضح مايبى ترجماني



والواو: وصلت قصتي منتهاها
بينت لااهل المعرفه ما دهاني



والياء:ياوال الكون ياخالق البشر
تجعل مقامي في علي الجناني








محبكم مرهف الاحساس