شبكة رواسي نجد الأدبية - عرض مشاركة واحدة

05-01-2014, 10:40 AM

مديت كفي للوصـل ماقصرتـه
لامانسيت الـود لوكنـت ناسيـه

واللي مضى من عشرتك مانكرته
دام الوفا طبعـي فلانـي مخليـه

في ذمتك تقوى الهجر لو طلبته
ولا أنت قصدك تختبرني بطاريـه

إلا الهجر ياصاحبـي ماقدرتـه
الهجـر بحـرٍ ماترسـي موانيـه

أرفق على قلبٍ بحبـك أسرتـه
الموت عنده اهون من فراق غاليه

ولاتنسى عهدٍ لك بحبي قطعتـه
مـد الوصـل لصاحبـك لاتعنيـه

رمح الفراق اللي بقلبي طعنتـه
لو تلمسه بيديك طابـت محانيـه