الا يا قلب لا تحزن من اللي جاك في دنياك = عليك الله وامانه لا تضيق وينشغل بالك

تنادي للفرح دايم وهو شفك وهو مشهاك = ولكن الهموم الكايدات توقف قبالك

تذوب من الوله وتصارع اللهفات يا ما اقواك = وعلى درب الامل تمشي ولو ما طاعت جمالك

سبايب من سرق بالي وغز الرمح في مرماك = ولوه يمتلك ذره من الاحساس ما شالك

الا يابنت وين انتي مضى عامين ما شفناك = تعالي عالجي جرح(ن)دمى والسبه اهمالك

ارسّل لك واروّح لك واحسّب لك واباتحراك = صحيح انك قسيت شوي لكن قلوا امثالك
سقيت الزهرتين اللي زرعناها انا وياك = وﻻ اخبرك ترد اللي على وضح النقا جالك
تغلى ما تغلى يا عسى رب الملا يحماك = مادام انك غناة الروح جوف القلب منزالك

الا يا العسوجي ما شفت انا مثلك ولا حلياك = ادوخ اليا لقيت اللي ما بين الشمس وهلالك

ابي قربك وابي قلبك وابي حبك وابي لقياك = نصيحه قبل لا تاتي رمال وتدفن رمالك

وكان انك نويت الصد والهجره فانا بانهاك = واباعطيك النصيحه وانتبه لا تعقد حبالك

احبك حب ما يوصف عسى يسهل علي رضاك = واشوفك بالحلى طاغي ومنه ياخذ ظلالك

وكان انك مشكك بالمحبه يا حبيبي هاك = قليب(ن)صار باسمك يا دواء الانفاس بالحالك

انا ما اقدر على صدك ولاني قاوي(ن)فرقاك = حياتي دون لقيانا تشابه ليلي الحالك

والا يا قلب لا تشك الغدر من زهرة الاشواك = يدور الوقت وتدور الليال وتكشف اقوالك