همي اللي في مغباته سجني = غمي اللي ماتقاويت أمنعه
إمتحني بشي لو شالوه عني = صار قلبي مدمنه له يتبعه
عادته عني مع الوقت متعني = دايم وصدوف وقته تلفعه
كل مالديتله غصب طعني = طعنته كل الرجا به تقطعه
إن لعنته له صدا صوت لعني = وإن رفعته طاح ماأحتلت أرفعه
ياغرام فيك ياكثر التجني = في قضية خاطري مع مطمعه
إن صبرته يوم هاجوسه شحني = وإن وصلته يوم عشت بمعمعه
أشهد إني مبتلا عشق إمتحني = وأشهد إنه مبتلا بالزعزعه
أه ياليته يخيب كل ضني = وأسهره عمر مع إحساس أجمعه
ويتغنى شاعر لجله يغني = يجمعه ديوان عشق ويطبعه