بسم الله الرحمن الرحيم
السلام عليكم ورحمة الله وبركاته
اليوم حاب اناقش معاكم موضوع حاصل في مجتمعنا وكثير نسمع عنه انه يتسبب في مشاكل بين عائلات
الموضوع انه يجي الشاب يخطب بنت وبعض الاحيان فترة الخطوبه تكون طويله
يعني مثلا يخطبها وهو يدرس او خطبها وهو لسا ما جاهز حق الزواج المهم بعد فتره
من الزمن يعني لما تمر فتره على الخطوبه يجي حق البنت هذي المخطوبه شخص
يبي يخطبها اهل البنت يردون عليه انه البنت مخطوبه ويجي بعده الكثير من الشباب
يبون هذي البنت بس اهل البنت ما عندهم غير هذا الرد البنت مخطوبه مو هنا المشكله المشكله
انه فيه قصه حصلت اللي قصص حصلت من هذا النوع انه الشاب بعد هذي الفتره من الخطبه الطويله
اللي ممكن انها تمتد الي سنوات يجي يقول ما ابي هذي البنت انا افكر في وحده ثانيه وابي اتزوجها
طيب وش ذنب البنت هذي اللي خاطبها واهلها ردو اكثر من عريس جاها بحجة انها مخطوبه وفي
الاخير تقول انا ما ابي هذي البنت صح ما نختلف انه الحياه قسمه ونصيب بس البنت هذي كيف
راح تاخذ بخاطرها والناس اكيد راح يتكلمون ويقولون شكله فيها شي تركها بعد هذي الفتره

طيب سؤالي هنا من هو السبب في هذا
الشي اللي يصير الشاب الاهل المجتمع
وش شعور البنت بعد هذا الشي اللي يصير
كيف راح تكون حالتها النفسيه ونظرة المجتمع لها
وفي رأيك كم اقصى مده تكون للخطبه سنه سنتين ثلاث

ودمتم بخير