تعبت اكذب على نفسي واجامل والعذاب الوان = تعبت اتصنع الضحكه وامش بكفي دمعاتي
غديت لغربتي ديره علمها بيرق الاحزان = يرف اليا قرب فرحي لجل ينهي مسراتي
حياتي كلها شعري وشعري للحزن عنوان = وعنواني تعب دربي وبسمه تكره شفاتي
اسولف واخفي العبره واضيع بعالم الكتمان = وانا وان جيت ابي اضحك عذابي يجرح لهاتي
تصور صرت اشوف اني بقايا في جسد انسان = ادور للحياه مرسى لجل انهي محطاتي
اناظر للبشر حولي احد يضحك واحد فرحان =وانا مجبور اسايرهم لجل اخفي عذابااتي
انا قصه يبعثرها زمن ما يأتمن خوان=وابي لو يوم بس واحد احاول اجمع شتاتي
حبيبي العذر منك وابسكت واخفي الحرمان =اخاف دموعي تخذلني واكسر عزتي وذاتي