ياصعب ماتلقى بهالدنيا رفيق = لاشاف زلاّتك يدوّر عذرها
بعض الوجيه بشوفها همٍ وضيق = الله يقطعها ويقطع بذرها
تاطى على قلبك وتشعل به حريق = وتنوي لك السيه وتاخذ حذرها
ماتنتخي لو كنت تنخاها غريق = وان مدّت السنها يغيضك هذرها
عينٍ بكت ولنومها عيّت تطيق = من شوف هالاجناس قلت : ابعذرها
الشجره اللي ماتحلّي طعم ريق = ودّك تجي وتقصّها من جذرها
يظهر لك المكنون في نصف الطريق = مادامت الازوال تجحد نذرها
وماعاد في دنياك تلقى لك رفيق = لاشاف زلاّتك يدوّر عذرها