إرجع شويّ (ا)بخيالك وأيضاً إحساسك=تذكّر أوقات كان السّعْد حاويها
بسماتك الزّاهيه لابيّنت ماسك=كنّي بكون الهوى سلطان حاميها
والضيقه إن داهمت خفّاقك وناسك=يلفيك من صدق همسي مصل يبريها
وإن سالت (ا)دموع عينك وأعتلى باسك=حفرت قبره ودمعاتك أواسيها
جرَيت في داخلك كـَ العطر بانفاسك=وإلاّ أنت في داخلي روحي وأداريها
سخّرت كل المشاعر باسم حرّاسك=والقلب قايدْ حرسْك وحاكم(ن) فيها
ماخنت .. لا والله إنّي صاين(ن) ساسك=ولابعت باقة شعورك .. جيت شاريها
و(ا)حروف بيت القصيد (ا)تحب لك راسك=أمّ(ن) لها (ا)شيوخ برّوا في معاليها
(مدمن غلا ) جرعته رشفات من كاسك=لاتحرمه راحة(ن) فيك أنت لاقيها
فكّر شوي (ا)برويّه واحكم إحساسك=أبيك وحْدك وكلّ النّاس مابيها