شبكة رواسي نجد الأدبية - عرض مشاركة واحدة

11-06-2011, 10:28 PM

.. سبحان الله وبحمده سبحان الله العظيم ...

ياكثر مانسمع ونقرأ عن الابتسامه وفوائدها واشياء كثيره
لكـن هينا في كلامي راح يكون غير
في البدايه ابطلب طلب ابغاك تبتسم لاترد طلبي حتى وان كنت
متضايق ومهموم
طيب الحين ابتسمت ياجعلها دوم
طيب يوم ابتسمت نقص منك شي صار لك شي ابد بس حسيت
براحه في داخلك صح
يمكن بعضكم يقول شلون ابتسم وانا عندي مصايب وهموم
طيب تتوقع انت لحالك عندك هالشي ثق انه مافي احد مرتاح في هالدنيا
الراحه تعرف وين بس في الجنه
طيب اذا صعبت عليك الابتسامه جرب هالطريقه
تراها مو صعبه طالع في المرآيه وقل الحمدالله انا بصحه لي عينين اشوف فيها
لي اذنين اسمع فيها لي يدين لي رجلين
يارب انا في نعم غيري ماعندهم هالشي
اجل ليه اتضايق على اشيـاء تافهه علشان دنيا
راح يقول بعضكم اللي ما ذاق طعم المصايب ماراح يحس
مافيـه احد ماذاق طعم المصيبه لكن كل واحد يختلف عن الثاني
مثلاً راح تقول ابوي توفـى وتركني طيب ماعوضك ربي بغيره
بأم صارت لك كأب احمــد ربك ان امك عايشه غيرك فقد الاثنين ..
وثاني يقول فقدت ولدي طيب ربي خذ منك واحد لكن بقى لك عيال غيره
غيرك فقد عياله كلهم
وإذا كنت راح تقول كذا لنفسك اجزم بأنك راح تبتسم وانت تطـالع نفسك
في المرآيـه شفت وش حلاتك وانت مبتسم راح تحس براحه وانت تطالع في نفسك
هذا مع نفسك اجل مع الناس شلون مع امك اللي كل ماشافت بسمتك
راح الهم عنها ونست مافيها من الآلام
مع كـل من يقابلك صغير كبير
تعرفه ماتعرفـه راح يكون بينك وبينه علاقه وراحه
وقبل كل شي صدقـه " ابتسامتك في وجه اخيك صدقه "
عشـان كـذا حط في قرارة نفسـك مهما صار
ابتسامتي ماراح تفارقنـي
****
ربما البعض يستنكر مني طريقة الكتابه
لكـن احببت التغيير