صخرت البيت لعيونك ولعيونك تطيع الشرد=وانا لولاك ماغنيت بيت ولاسمعتيني
هزمت ضروفي وجيتك بشوق أفرد يديني فرد=ووصلتك والخلايق كلها ماعد تعنيني
ورى زحمة تدافع من غلا جات المشاعر ورد=حيام ولاحداها الا الوله يافرحة سنيني
دخيلك ضمني ماعاد فيني حيل شوق وبرد=طلبتك نفح(ن) من أنفاس همسك مايدفيني
مدام انه مصنف عندي أزكى من عبير الورد=ولا لي غايتن من بعدها يوم أحتويتيني
ابعطي ساعة الفرقا لياجيتي غياب وطرد=واباخذ من عيونك نوم كم له غاب عن عيني
ضميت مشاهدك باول غيابن للدروب الجرد=ولمحتك في سراب الذاكره ياول عناويني
ووقفت اشرح معاناتي لطيفك وابتديها سرد=ولكن ماصحيت الا جبيني بين كفيني
وسلامة الجميع