سلام الله ماهلّت سحايب=على اهل المنتدى ماعاد غايب
سلامٍ كنّ فوحه فوح دلّه=من البن استوت من نار شايب
يكيّف راس من طوّل عماسه=ويصبح خاطره للخير طايب
نحاني يمّكم طيب السجايا=وجزل الشعر ورجال النوايب
دعاني راعي الموقع محمد=وشرّفني عسى مايعود خايب
وجيت احمل بيمناي القصايد=واشيل بكفي الاخرى سحايب
تهلّ من المودّه واحترامي=لعضو ومشرف وشاعر ونايب
لعل مزونها تنفع وتنبت=من ازهار الخزامى كلّ طايب