جعل من لامنـي بيتليـه الله=بالبلايـا ولا ياجـد اعلاجـه
يامحمد دواء القلب وين القاه=شبت النار ياخـوك وهاجـه
اتصبر وصبري وصل لقصاه=بينت عيني الدمـع زعاجـه
سبت اللي ذبح قلبي ابشلفـاه=ونتحت به سنينه ولا واجـه
ياوجودي على شوفه اولاماه=وجد مسجون ماحصل افراجه
حدني للقصا والفـواد ادمـاه=مادرا اني من الجور محتاجه
ليت عندي صبر وابتعد ونساه=واتريح من الهـم وزعاجـه

جتني بيوت من جاز لي مبداه=صاحب ٍ للوفا يضحك حجاجه
اطرب الفكر قافه بعد غناه=وذكّر القلب حبه ومنهاجه
الله اكبر على القلب كيف انهاه=والمعاليق للحب منعاجه
ياعلي خافقي مالقيت ادواه=وانت تشكى عنا القلب وخلاجه
كان حبه نزع قلبك وخلاه=شف مداخيل حبه ومخراجه
وقفل الباب عن طيفه وذكراه=ثم تريح من الحب واحراجه
حتى لو هجر .. صاحبك ماتقواه=الهوى اللي كذا .. قفل ادراجه