أغربي ياشمس وأظهر ياقمر = ودي انظر فيك قدر المستطاع
ودنا نسمر معك حتى الفجر = ونتذكر فالهوى زين الطباع
طلتك تشبه لبو مبسم حمر = منور الخدين في شوفه متاع
كم تذكرنا على جال الكدر= نرسم الاحلام في لوح الضياع
وكم صبرنا مير ما فاد الصبر = بين حلم وعلم وأمآل وصراع
العمر يجري وانا وقتي حشر = كيف أبلقى بالعمر يوم اتساع
الغدر يلعب على كف القدر= يوم خلي للغلا روح وباع
إنتبه ياعمر قدامك خطر = إضرب أجراس الخطر وقت الوداع
من دروس الوقت جودنا العبر= من غرابيله وميلاته شباع
والهوى في سكته دسنا الجمر= مالنا في باقي طروقه طماع
البلى إن القدر يبقى بالصدر= واقعن مابين دافع وإندفاع
جرح ينزف من غرام ادهى وأمر = من جروحن داميه عسره وجاع
ضحكة الدنيا بوجهك فالعمر = تعتبر نقله لضيمك واطلاع
كن حذر فالوقت لاتنطح جدر = وإبتسم للضيق فالواقع وراع
واختصر باقي كلامي في سطر = الهوى مفروض يعصى مايطاع