رسمت صورَتك من نسج الخيال ومسحت=عيّت تشكّل لي الصوره علـى مـا أبـي
لا استرسل الفكر والتصوير زان وفرحت=شوّش علي الخيال وُضـاع كـل اتعبـي
ياما تخيّلـت للريشـه ويامـا شرحـت=واخترت من روعة ألواني على مكتبـي
لا زان رسمي على اللوحه,وأنا مااسترحت=من كثر ماتاهت أفكاري غـرق مركبـي
أرووح مع سكة الهاجوس ياما سرحت=على قطارٍ يصد الريح مايتعبي
أمشي ولا أدري متى وشلون خذني ورحت=وأشيل مافاض من همي على منكبي
وشلون الملم شتاتي لو ضحكت ومرحت=وشلون أسيطر على شيءٍ سباني سبي
جمعت ماجاا على البال وقسمت وطرحت=واستوقفتني النتيجه مافهمها الغبي!!