,
,
,




http://www.shy22.com/dld8Nq45166.mp3.html

أنا يا خلف لو جيت ابا اسلم من الهوجاس = هواجيس قلبي كل لحظة يزورنه
أنا لوع قلبي لوع غربي(ن) لقرناس = عقب ماثعى في الجول الأرياح لاعنّه
و أنا لوف قلبي لوف قشع(ن) بروس اطعاس = هشيم(ن) ليا جته الهبايب يلوفنّه
وأنا اسهر بليلي مايسوج النظير نعاس = ليا راحت الونّه تقفيتها ونّه
ونين الكسير اللي مجبس بست اجباس = لفخذين مع ساقين وعضود يشضنّه
على من خذا قلبي كما ما خذا جساس = حكم بكر مع تغلب والايام طاعنّه
وقفى وخلاني ويشكي على البأس = يقول الظروف تحد ياعارف السنّه
شريف(ن) عفيف ملبسينه بتاج الماس = عسى كل خلق الله من الجيل يفدنّه
وهي بنت من يثني نهار القنا والطاس = كعام المعادي كان ركبوا عليهنّه
وجودي عليها وجد من صابه الوسواس = يئس من حياة الطب والحال به شنّه
او انه وجود اللي يحدونه الحراس = حكم بالمؤبد ظلم مابه حد(ن) حنّه
عليها الضماير ياخلف غاديه يبّاس = كما زرع بير(ن) نش في لاهب الكنّه
سفته الذواري لين غطت عليه الساس = ولا به ثرى يسقي عروق(ن) دفنهنّه