شبكة رواسي نجد الأدبية - صوت علي الزهيري:صدى مبارك الشهراني

ارجي الله لايمـد ابـروح راع النمـه

.............اللي لامني غفلـت ابغفلتـي يقفانـي

يابو خالد قاف شعري يشتكي من همه

..............والسبايب كلها من كذبـة السلطانـي

كنت وامن ماهقيت انه يجي بمطمـه

..............لين جاء بم الكباير وافرح العدوانـي

جيت بدمح زلته والقلب فايـر دمـه

..............حر مايرضى المهونه من قليل الشاني

انت تدري وش بلا هذي البشر منخمه

.............يسمعون الصوت مايدرون مين الجاني

ماله الا وصفة البيطار ملـح ايشمـه

............لين يقدا الدرب وان غيبت ماينسانـي

والعذر ثم العـذر للـي رقـى للقمـه

............اللي مادلا براسه يشـذب الكرعانـي

الصديق الصادق اللي كل طيب ايهمه

............خوي لو ماهو بخوي مبارك الشهراني

الشاعر: علي الزهيري

(مجاراة مبارك الشهراني)

..........

مرحبا بالخاطـــره واللـــي لـــفت من يمه

.............. عد وبــــل هـــل مـــاه وســـيل الودياني

ياعلي تشــــهد لـك العــالم وتشـــهد الامه

.............. وافــــي مافيـــك شــــك ولا بكم نقصاني

لاتـــــرد الــراس للنـــاقص وخــل الرمه

.............. انت مــــن قـــوم تكــرّم ضيفها والعاني

من يشــوف الــــداب يخشا لاينوشه سمه

.............. ومن يصالي الكير ناشه عاصر الدخاني

واحــــد ماقـــدر اهـــل الطـيب تبكيه امه

.............. قاصر علمه عن اهل الطيب والشجعاني

الدلو لوضعف حبـــله طــاح وسط الجمه

.............. والرخا للقاصـــره والــــرجل للحرماني

ويــل مـــن يظـــلم عبـاد الله ولا لـه ذمه

.............. ويهرج فــي صـاحبه بالــزور والبهتاني

ياعلي ماهـــــو بولد خالك ولا انت بعمه

.............. واحد مـــــن ســاير العـــربان يالشيهاني

عزوتي يالغـــامدي كـــل يشـــــيل بكمه

.............. من ليالينا شــــربنا كــــاس ســـــم حاني

وانت وافـــي ياعلي والــلاش غمه غمه

.............. وقهــره لاتلــــتفت لهــــروج لاش داني

خوتك يالغـــــامدي للـــراس تاج وعمه

.............. طيبكم مـــن ديـــرتي لــديــاركم وداني

والله ما اقصر عنك في لازم ولا بمهمه

.............. وانت راعي الاوله والخط لــه عنواني

وسلامتكم