|
المسمومه ....مصافحه اولى
السلام عليكم ورحمة الله وبركاته:- كل عام وانتم بخير وشهركم مبارك نصافحكم بهذي المتعواضع التي اتمنى ان تنال استحسانكم ياهني اللــي ســــعيد ماشكى من عله ............ ولا شرب له شربة من كاسة مسمومه ولا شكى من عايق في رجله المنشله ............ لا بغى يمشي تـــرده ســـاقه المعدومه صابر والدمع من عينـــه غزيره هله ............ ولا بقى الا هيكل من روحه المرحومه والثياب اللـــي عليه من الــدمع مبتله ............ من كثر حزنه مريض ويتحــرا يــومه لاتداعا عضو من جــسمه تداعا كله ............ ولا تهنـــــا في حياته ســـاعة في نومه القهر والياس في قلبــه سـكن واحتله ............ والزمان الشــــين زود علته وهمومه كن يصلى خافقه حامــي لهيب المله ............. وكن كبده بالمياسم والجمر موسومه لاطلب له شي غالي مايجي في حله ............ اه يانفس الشــقا من حاجتك محرومه اقرب الخــلان مايدري ولا يفطنله ............. يخفي احــــزانه بقلبه ماتبين علومه ولا لقاله من يراعـــي حالــته ويشله ............ ويتوجد لاتذكـــر قـــــوتــه وعزومه الدهر يومين والثـــالــث كفا الله دله ............ من يصيبه ثالـــث الايــام يفقد قومه والله ان الموت خــير من حياة الذله ............ والسعاده ماتـدوم أيـامهـــا محتومه دامنا حيين مانرضى بقصر وفله ............. وبالنهايه كــل عـبد يقنع بمقسومه وسلامتكم ابو خاااااااالد |
مرحبا مليون ولا يسدون
ابو خالد تاج القصيد اناخ ركابه ترحيبا بقدومك شرف لنا ان تكون بيننا شاعر جزل ومتمكن تصوع الاحرف من ذهب نتعلم منك فنون الشعر واساليبه صح السانك حتى ترضى واكثر واكثر كل عام وانت بخير |
هلا يابو خالد
الله الله الله وش هالزين ايه يارجل نعنش صدري لا عدمتك بيض الله وجهك ووجه من دعاك هذي الجزاله الي تفرح كل متذوق صح صح لساااااااااااااانك لين ترضى |
::
حيآآآك ياابو خالد نورت الروآسي .. وصح لساانك ملاايين ولاهنت تقديري ل سموك http://www8.0zz0.com/2010/08/16/21/196123275.gif |
مرحبا مليون ولا يسدون
وحياك الله يابو خالد وصح صح صح لسانك وعتلا شانك قصيده جزله من شاعر جزل ولا تحرمنا من ابداعاتك لا هنت تقبل مروووووري وحترررررررامي |
مباركـ الشهراني نوٌرت رواسي نجد بوجود اسمكـ وأحرفكـ فصح لساااانكـ وقلبكـ سلمت من كل شـــر . . . أختكـ سكر نبات |
ابو خالد
صح السانك وكلك ولا هنت يالقرم كل بيت هنا يقول لصاحبه أنا أستحق الصدارة حقيقة ولست مجاملا هذه أبيات من عيون الشعر لقد وقفت أمامها عاجزا أتخيل بلاغتها وحسن نظمها وقدرة صاحبها وليس بغريب عليك هذا الإبداع فقد توجب علينا أن نتنحى جميعا عن الساحة لتحتل انت الصدارة في رواسي الأدب وتاج القصيد تحيتي لك وحفظك الله اخوك |
يامرحبابك يالشهراني
وصح لسانك حتى ترضى وبعد الرضى لله درك دمت كما تحب |
| الساعة الآن 07:53 PM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir