المصافحة الثانية
من الأرشيف

السعادة ياهلي وينها وويني= قامت هجوس الليالي تهاجمني
افتح الرادي لعله يسليني = مير والله بعض الاحيان يشعمني
لا سمعت الباديه والدواويني = والشكيه بين شنوف والضمني
خذت لي مع هجعة الناس صوتيني = استلمني هم قلبي وسلمني
سبتك ياللي عن الناس معميني = كنك لازمني ولا انته بلازمني
والله انك ياحبيبي كما عيني = لعن بو اللي في محبتك لا يمني
والله انك فارعٍ في المزاييني = مير عذروبك سكوتك يحطمني
انت بسكوتك من العام كاويني = كيةٍ فوق الضلاعين تؤلمني
كان قلبك ياريش العين يغليني= مثل قلبي يوم يغليك علمني
لا تخليني على قاب قوسيني = لايسكتك الخجل ماتكلمني
افتح ابواب الغلا بينك وبيني = لاتطول السالفه وانت ظالمني
(اصبر وبعدين) ماتقضي الديني =وخايفٍ بعض القرارات يعدمني
انتهى صبري ولا عاد يمديني = حاول تقدر ضروفي وترحمني