|
لاتنتظر مني مراسيل واخبار
السلام عليكم ورحمة الله وبركاته . مساء الخير
لكم هذي عسى ان تنال على رضاكم . لاتنتظر مني مراسيـل واخبـار = خلاص شطبنـا العلاقـه وتبنـا مـدام مابيـن المحبيـن مقـدار = احسن نهدم الحـب قـدام يبنـا روحي وخلي من كويتيه بالنـار = عنك الجروح اليوم تلحق حطبنا فهمت قصدك لاتبديـن الاعـذار = ماتنفـع الاعـذار ولا عتبـنـا اوفي مع الوافين ولانيب غـدار = واقف مواقيف الوفا لـو نشبنـا حنا نعرف الحب ونحفظ الاسرار = ولانلتفت بالعيـن فاللـي عقبنـا رضيت بالمكتوب في كف الاقدار = ولاعاد فيه صبر معكـم تعبنـا انا اشهد اني في محبتك محتـار = جيتك شباب وناظراشلون شبنـا |
الاخ والشاعر ....مذكر الروقي
صح السانك وكلك قصيدة تعانق السماء اعجبتني في معانيها وبنائها تحمل مشاعر صادقه مصدرها القلب سكنت القلب ولا يهمك وانا خوك خله يروح طرد المقفي حسوفه ههههههههههههههههه دمت بخير اخي الكريم اخوك |
مذكر الروقي
سجل اعجابي وصح لسااانك لين ترضى جزل يابو عماد |
مـدام مابيـن المحبيـن مقـدار احسن نهدم الحـب قـدام يبنـا ,,,,,,,,, مؤلمه حقآ حينما تؤل الأمور للنهايات ,, ولكنه مهما كان ,, يبقى الأحترام أساس لكل علاقه ومعامله ,, والا الرحيل أفضل وأسلم ,, صح لسانك اخوي مذكر وسجل إعجابي |
أخوي صح لساااانك ,, ويعطيك الف عاااافية سلمت . . . أختكـ الخياله |
اوفي مع الوافين ولانيب غـدار=واقف مواقيف الوفا لـو نشبنـا
كفووووو يالروووقى كفوووووو ابياات رااائعة كروووعة كاتبها فالله درك اترقب لجديدك |
اخوي مذكر وعليكم السلام ورحمة الله وبركاته /مساءك رضى ابدعت يالغالي وصح لسانك ولا هان راسك ابيات تستحق الثناء وتبين عزت النفس والذات روحي وخلي من كويتيه بالنـار عنك الجروح اليوم تلحق حطبنـا لا هنت يالنشمي اسمح لي ابدي اعجابي بقلمك |
الله عليك يامذكر كلمات تكتب بماء الذهب
صراحة أسرتني القصيدة وعجزت عن التعبير انحنت حروفي خجلا أمام قصيدك فأنا لاأملك سوى الانحناء احتراما وتقديرا لجمال احساسك وعذوبة قلمك وصدق بوحك دمت لنا ودام نبض اختك لهوووووفة |
| الساعة الآن 04:52 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir