لاصرت في صحتك والحال مستـور=يغنيك عن بعـض الرفاقـه رفاقـه
منتب على طرد المقفيـن مجبـور=امـا الوصـل ولا بـلاش العلاقـه
وحذراك من خوة سفيـهٍ ومغـرور=يصير لك في كـل الاحـوال عاقـه
عانيت في الدنيا وشفت الرحى ادور=ولقيتهـا تطحـن ابحـد الحماقـه
إللي كتبت ابهـا قوافـي ومنثـور=وعينتهـا تغـدر ومـرات بـاقـه
باقات وردٍ وكثـر الوقـت بحـدور=وترخي عليك المخطيه فـي رواقـه
لوكنت في وقتـك شقـيٍ ومقهـور=مالـك سـوى ربٍ يفكـك اعتاقـه
ربٍ يبدل عسـر الايـام بسـرور=مـدات جـوده وافقـت كـل فاقـه
وياما شكيت الوقت والقلب مخطور=فـي داخلـه هـمٍ عميـقٍ ادقاقـه
وياما مشيت الدرب والقلب مبهـور=يشعق كما نجمٍ سطـع فـي براقـه
له عامٍ اقفا والهنـا عِد مهجـور=مثل السراب اللـي يغـرك زراقـه
يالله عساني تالي الوقـت منصـور=وشفي غليلٍ داخـل القلـب ضاقـه
واللي صدق فعله رقا العز طابـور=ماينتهـي لوكـان يفتـق افتـاقـه
هذاك شفي لاغدى الوقـت مثبـور=يظهـر غـلاه وزاد فعلـه طلاقـه
ولجل الوفا انا الوفا جابـر اكسـور=اللي مع الصدقان صـان الصداقـه
اللي لهـم فعـلٍ لمسنـاه بشعـور=يوم الردي يفتـل بخبـث ولباقـه
ذولاك ناسٍ تِطرب الراس بسطـور=لو ابعدو نشفـق عليهـم اشفاقـه
ومايذبحك الارفيـقٍ نـوى الجـور=هـذاك والله مالنـا فيـه طـاقـه
قافٍ بدعتـه يفهمـه كـل منعـور=قافٍ سما للنصح والعز شاقه
وهذا كلامي بآخـر الليـل ماثـور=وصاة عودٍ قبل ساعة افراقه

قافٍ بدعتـه يفهمـه كـل منعـور=قافٍ سمـا للنصـح والعـز شاقـه
وهذا كلامي بآخـر الليـل ماثـور=وصاة عـودٍ قبـل ساعـة افراقـه