(( في ذمتك في غيبتي ما تضايقت ؟)) = و لا صار في دقات قلبـك ميولـه ؟


و ماهزتك ذكرى و فيهـا تشوقـت ؟ = و لا طرى لك شي صعبـن تقولـه ؟


اكيـد مامريـت فيهـن و لا تقـت ؟= غلطان يالمجمـول ماهـي معقولـه !


مريت انـا فيهـن و منهـن تذوقـت=اضيـق والهاجـس يسـرّج خيولـه


شفني و انـا بيـن الهقـاوي تعلقـت=لا مدركن و صلك و لا اقدر اطولـه


تسوق لي الذكرى طيوفك و انا سقـت=واقفي معاهن بيـن صولـه وجولـه


امشي مع العالم و لا احسب الوقـت=وش لي بوقت(ن) دام مانـي بحولـه


تدري وش الي لاطرت غصب دنقت ؟=اني ابي شـي(ن) و صعبـن انولـه


مدامني لا خنـت لا جـرت لا بقـت= معـاد لـك حقـن تحـرا وصولـه


اقسم قسـم بالله فـي غيبتـك ضقـت= و تردني نفسي عـن الـي بقولـه !!

تسوق لي الذكرى طيوفك و انا سقـت=واقفي معاهن بيـن صولـه وجولـه
امشي مع العالم و لا احسـب الوقـت=وش لي بوقت(ن) دام مانـي بحولـه