أشره على الصاحب ليامن بدالي = شين على الصاحب يسوق المشاريه
وأسوقها يمه بسلم الرجالي =وأقول هاذا الحق وأعرف مباديه
اما سمع مني كريم السبالي =واخذ الكلام لي يخصه ويعنيه
والاسفهني وقلت ياهملالي =اثر الكلام الزين محد(ن) يدانيه
وقصرت فالموضوع مبغا جدالي = كلن معه عقله وعقله يقديه
اما مشابه يم درب الضلالي =واصبح يذم الحظ ويضرب بياديه
ويقول حضي سبت الي غدالي=ياليت حضي جاد وجود مبانيه
والا مشابه يم درب المعالي =هاذا ترى شفي وماكنت باغيه
ابغا صحيبي دايم الدوم خالي =امن الردا جعل الردا ما يخاويه
والصاحب الي ماسمع في مقالي= ويقول هاذا الراي مانيب ماشيه
أقول له ياصاحبي لا تبالي= رايي وخله لي وأنا بخليه
وأقوم وأفتل من جديد الحبالي = حتى أحط القيد وأقصر خطاويه
ولا عاد أقول الراي لوه عنالي = أقول سو الي بكيفك تسويه
رايي وحطينا بيده العقالي = ولا عاد يرحل عن مكانن ربا فيه
وقصرت فالموضوع مبغا جدالي = كلن معه عقله وعقله يقديه