|
من هاجسن يبدع ليامنه حضر مايستضيق((المجنون))
السلام عليكم
أول مشاركه وتقبلوها مني
من هاجسن يبدع ليامنه حضر مايستضيق=سلام تسليمت وفى كل الكبود اتبلها قالوا لنا بالبحر هرمز ياجماعه به مضيق=وأنا هنا بضيق الشعار وأكثر غلها |
مرحبا وياهلا وغلااا
يامرحبا وهلين من طعم العسل وتبل ريق=مد اليمين اخذ الجزيله والرديه خلها قالو لنا بالبحر يالمجنون ياكم من غريق=حول يباها ونثنت دونه حباله كلها |
وتراني فتحت المجال عن الربطه وهي حرف (ض)
حتى لاتموت المحاوره في انفاسها الاولى هذا اذا سمحتلي او لي عوده |
اقتباس:
دام البقا بك والمعاني من صديق اليا صديق=جبت المضيف لين كلن داركم كد دلها يامرهف الاحساس يابن الناس يالعرق العريق=لاجيت وسط المشكله لازم تزين حلها |
مافيه شك ونت رجال تدور للطريق=احفض عيار البندقيه يوم كفك شلها خابرك رجال كتوفك تحتمل حتى طويق=ويجذبك براق المزون الي عساها وعلها |
اسمحلي
الان عندي محل تجاري ولازم اكون متواجد فيه |
اقتباس:
أنته مديرن للعصابه يوم شكلت الفريق=وأنا معاكم ياصحيبي والدروب أدلها زدني بعد نجمه عشان أشب بالملعب حريق=وغن زدت ثنتين العرب حتى الدموع اتهلها |
انا مدير بلا منازع وترك الدفن العميق=العاصيه ياصاحبي مهما تجور انذلها ولع رواسي كان بك شده وقل شبت بقيق=وترك نجوم ماتروح الا لمن كفولها |
| الساعة الآن 05:24 PM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir