|
تعالوو قرقعــوا ((قرقيعان وقرقيعان))...!
السلام عليكم,,,
بما ان القرقيعان باجر قلت اجيب موضوع عن هالمناسبه ..^_^ نبدا. . http://www2.0zz0.com/2009/09/02/18/296904003.jpg "قرنقعوه" في قطر ، و"قرقاعون" في البحرين ، و"القرقيعان" في الكويت والسعودية ، و"القرنقشوه" في سلطنة عمان، و" من حق الليلة" في الامارات كلها تسميات اختلفت حروفها ولكن تشابهة بمضمونها فالقرقيعان من أهم الليالي والعادات الرمضانية الشعبية في المجتمع الخليجي وخصوصا لدى الأطفال ، وقد اصبح من الملامح الرئيسية لشهر * رمضان* حيث* يخرج الأطفال ليلة الخامس عشر من شهر رمضان في* مجموعات* يحملون أكياسا* يجوبون طلبا للقرقيعان،* وهو عبارة عن حلويات ومكسرات،* وحين* يدخلون البيت* يبدأون بالغناء وعندما* يعطيهم أهل البيت يعبر الأطفال عن شكرهم بقولهم* "عساكم من عواده"، أهازيج القرقيعان في الكويت والسعوديه: قرقيعان و قرقيعان بين اقصير و رمضان عادت عليكم صيام كل سنة وكل عام يالله تخلي ولدهم يالله خلي لأمه يالله عسى البقعة ما تخمه و لا توازي على أمه أهازيج القرقيعان في الإمارات : إنطونه حق الله يرضى عليكم الله جدام بيتكم دله عسى الفقر ما يدله مملكة البحرين : سلم ولدهم يا الله وخله لأمه يا الله اييب المكده يا الله ويحطها في جم امه يالله يا شفيع لأمه قرقاعون عادة عليكم يالصيام مابين قصير ورمضان الله يسلم ولدكم ولدكم يالحباب وسيفه يركع الباب سنته الغلا ماصكه ولاصك بوابة قرقيعان وقرقيعان أما اطفال عمان فلهم اغنيتهم المميزة وهي : قرنقشوه يوناس عطونا شوية حلواي دوس دوس في المندوس حاره حاره في السحاره واذا لم يحصل الاطفال على القرنقشوه يرددون: قدام بيتكم صينيه ورى بيتكم جنيه ويردد الاطفال في قطر : قرنقعوه قرقاعوه عطونا الله يعطيكم بيت مكه يوديكم يوديكم لأهليكم يامكه يالمعموره يا أم السلاسل والذهب يانوره عطونا دحبة ميزان يسلم لكم عزيزان عطونا دحبة ليفة يسلم لكم خليفة يابنيه يالحبابه ابوج مشرع بابه باب الكرم ماصكة ولا حط له بوابه.. اتمنى يعجبكم :redface: الحين يالله كل من يدخل يقرقع http://www.b69d.net/vb/images/smilies/noor%20(40).gif http://www.b69d.net/vb/images/smilies/noor%20(40).gif |
|
اقتباس:
وافتر على البيووت قرقيعان وقرقيعان واللي ما يعطيني اقول ويص ويص في بيتكم نحيسين هاهاها <<برآآآ رااق لي مرورك .. دندونه<< من هنا،، مرت |
قرقيعان و قرقيعان بين اقصير و رمضان
عادت عليكم صيام كل سنة وكل عام يالله تخلي ( عزوز وحمني ورشود ونصور ) >>> عيالهم :clap: يالله يخليهم لأمهم يالله عسى البقعة ما تخمهم و لا توازي على أمهم يلا صفو بالدور كل واحد ياخذ بس حبه الي يبي يخمط بنكت عليه ماي :evil_lol:خخخخخخخخخخخخخخخخخخخخ |
قرقيعان و قرقيعان بين اقصير و رمضان
عادت عليكم صيام كل سنة وكل عام يالله تخلي ولدهم يالله خلي لأمه يالله عسى البقعة ما تخمه و لا توازي على أمه طبعاً عادات وتقاليد جميلة لها نكهه دانتيلا ولكن بالنسبه للسعوديه فعبض المناطق متمسكه بهذه العادت ولكن للاسف عندنا وبالاخص في الحجاز لا يوجد القرقيعان بس صراحة عادة جميلة ويتقبل الله منا ومنكم صالح الاعمال ويعود علينا وعليكم رمضان كل سنه وكل عام يارب مودتي |
اقتباس:
هاهاها انا خمطت ونحشت بس قرقيعاانكم بو طقه انا ابي مااركه <<برآآآ منوووره يالغلاااا دندونه<< من هنا،، مرت |
اقتباس:
منا ومنج صاالح الاعمال يالغلااا احنا لاازم قرقيعااان والا ما نحس برمضان ^_^ منوووره الموضوع دندونه<< من هنا،، مرت |
الله وناسه
شكلي بجمع صغار الحاره وفرفره بين هالبيوت<<بس غلا طلعه الله انا بدال ماعطيهم حلاو بعطيهم طرطعان لانه يونس اكثر دندوشه بجهز عباتي للفره تقبلي تفحيطاتي http://soarantiq.com/data/thumbnai/51/13074632.jpg |
| الساعة الآن 06:59 PM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir