لولاي احبك كان ما بحت سدي = ولاكان تدري خاطرٍ ضاق وش فيه
وخليتها ظنونك تجيب وتودي = وحــلي بــعيدٍ عنك مانــــته بلاقيه
بينت لك وأنا احسبنك تهدي = وأثرك على زلة لساني تــجازيـــه
أوقفت جزري لجل ياصلك مدي = وأغرقتني وأغرقت قلبي بشاطيـه
عاتبت وعتابي على قد ودي = ولو مانت غالي كان ماقلبك أرضيه
سامحت لجلك غاليٍ حيل عندي = وأثر الذي سامح تشك العرب فيـــه
لكن تبي تقسي بنبدا تحدي = وكــــــلٍ يجرب قسوته وين ترميه
لاني بلا قدك ولا انته بقدي = نــــدٍ يقابل نـــــد وشلون يثـــنـيــه
لاتبتدي شي المزح فيه جدي = ولا تنتظر فوزٍ تكون انت جــانيـه
لاكن تبي تسمع كلامٍ يهدي = خلك على كيفك ولا قـــــولك ليه

المشاركة الأصلية كتبت بواسطة محمد الروقي (المشاركة 55615) صح لسانك ياعبد الله الى رضاك يالغالي وحاول بالذيب تنسيقها احسن وتغيير الون وبيض الله وجهك على الجزاله يالذيب

صح بدنك اخوي محمد وعلا شانك