ياللي تبي شوري . . عليك التنبه =ضامي وجنب العدّ مابل لك ريق
يالشاعر أللي ماترك أي غبه=ألا سبح فيها وصاغ الطواريق
حتى ولو صلف الهبايب تهبه=يرقى على روس المراقيب ويويق
يويق فالعالم بعد شكر ربه=ويشيل همه خلف حدبٍ مغاليق
ياصاحبي أترك كلام المسْبه=خلك على خبري كما النير وطويق
سرك عن الأنذال ياذيب خبه=أخاف يشمت منك شلة المطافيق
سوقٍ ماتكسب فيه أحذر تطبه=وأحذر مناقيد الرجال المطاليق
وأللي يحبك واجـب أنـك تحبـه=وترفع مقامه بين كل المخاليـق
فتيل نار البعد بالك تشبه=مادام من بينك وبينه مواثيق
بين البشر.. أحذر تهين وتسبـه=خلّه سواة القلب خلف المعاليـق
وأليا بغيت أنـك تـروح وتكبـه=ولعشرته ماعادها نفسك أطيق
رح له وقله.. يمكن انّه واربـه=يدرك بإن الحب حـظ وتوافيـق
القلب نبض الروح ماهو بصبه=جمله ولا تحتاج لي أي تعليق