|
* * * أوليش ما سمّعك * * *
بسم الله الرحمن الرحيم السلام عليكم ورحمة الله وبركاته صباح / مساء الخير للجميع بدون أي مقدمات أترككم مع الأبيات وأتمنى أن تنال أعجابكم
أولـيــش ماسـمّـعـك ماسـمّـعـّك لـيــش=تــوّح وسـمـع زيــن وفـهــم وبـبــلاش خـابــرك اناتـفـهـم ولـنـتـه بــدرويــش=ولاأنـتـه بــلاشً وتـكــرم عـــن الـــلاش وانــا حفـيـد متـعّـب الخـيـل والـجـيـش=للـمـرجـلـه والـطــيــب والـعــزحــوّاش واليـا نضمـت الشعـر محتـاج تغشيـش=مـن عـادتـي وافــي ولا نـيـب غـشـاش مانـي مـن الـلـي يدفـعـون البخاشـيـش=مـن يشتـرون الشعـر بالشيـك والكـاش وللضـد لا ضـدّيـت مــا ضــد بشـويـش=شعري على خصمي كما ضرب رشاش يقص الضهر ويدشدش الراس تدشيش=مـا ينّجبـر لـولـف بالجـبـس والـشـاش ونـعـوّدت تشـفـيـر مـعـنـى وتـشـويـش=اسـمــع كـــلامً منـبـعـه راس شــــواش الــخــط قــدامــي ولا فــيـــه تـفـتـيــش=ونـكـان بــه تفتـيـش مانـيـب منـحـاش انــكــان تــــال الـلــيــل ولاّمـغـابـيــش=اقــدم وبــل اكـبــود يـبـسـى وعـطّــاش الطيـر تـال اللـيـل مــا ينـفـض الـريـش=والذيـب تــال اللـيـل ســاري ومعـتـاش وبعض العرب لاقام يبحث عـن العيـش=يرضـى بـأدنـى شــي لــو كــان فــراش راع الـوضـو يحـتـاج تـوبـه وتـرّويـش=والأرض تبغـى سيـل مـا ينفـع رشـاش دقـن الغليّـم طــال بالـمـوس مــا نـيـش=الصـبـح فالمسـجـد وفالـلـيـل حـشــاش حتّيـش لـو صلـى مـع الـنـاس حتّـيـش=قـرئـآنـه أبيـمـنـاه و يـســاره غــــراش انــــا مسـمّـيـهـم فــــروخ الخـفـافـيـش=والـذيـب مــاردّه عــن المـجـد خـفــاش ومــادام راســي حـــي بـالـعـز بـعـيـش=ومـن لاوطـى درب الصعيبـات ماعـاش تميتـهـا والـقـاف صــدره عـلـى ايـــش=امـشـفـراً مـعـنـاه وعـجــزه عـلــى آش يامن سمعت القـاف لا تقـول لـي ويـش=ونكـان تنشـد ويــش جاوبـتـك ابـمـاش |
ولا أروع شاعرنا
صح لسانكـولاهنت للقصيدة الشامخة الجميلة |
صح لسانك يابدر الى رضاك
قصيدة هادفه ولها معاني خاصه في مستحقها والله اعلم ولكن عندي استفسار فقط عن راع الوضو يختاج توبه وترويش وسلمت وسلم راسك مروري وتقديري |
بدر الحميدي صح نبضك وشريانك وكلك قراءة قصائدك تتعب بأختيارك وتوضيفك لبعض الكلمات ولكن قد تدفعك القافيه والوزن لذلك ولكن هنا سأقول راع الـوضـو يحـتـاج تـوبـه وتـرّويـش على ماذا بني هذا البيت وكيف يحتاج لذلك وهل هنالك مقصد أو مغزى كموقف وغيره دفع لهذه الكتابه دمت ودامت شاعريتك أستاذي بدر |
الله عليك يآبدر الحميدي ..
للأمآنه رآقت لي هذه القصيد بكل معآنيهآ ومضمونهآ .. صحيت يمينك / امطرتنآ جمآلاً .. لِ روحك تحيّه نرجسيّه .. |
أحسنت أخي العزيز/بدر بن الحميدي أحسن الله إليك
شكرا لك سيدي الكريم على إتحافنا بهذه الرائعة جدا صح لسانك ، وبيض الله وجهك ، ولا فض الله فاك دمت بسلام وسعادة وحب وألق أيها الأخ العزيز |
أميرة رواسي مرحبابك
الروعه هو مرورك العطر والجمال هو كلامك العذب اسعدني مرورك الله لا يهينك تحياتي وتقديري |
مرحبابك يامحمد تراحيب المطر
صح السانك يابن روق كل ما اكتبه يامحمد له موقف ومعنى خاس وحساس جداً بعض المواضيع تجبرني على تلحيف أوأبهام المعني لعدم احراج المقصود علنن أغلب ما أكتب عباره عن خطاب موجه لشخص أوأشخاص معينين لهم نفس الصفات لو قرا القصيده اللي انا اقصده من غير البيت اللي سألتني عنه مارايح يفهم أنه هو المقصود البيت هذا البذات يخليه يفهم على طول انه هو المقصود فقط ولا رايح يفهمه احد غيره أنا أختتمت القصيده بالبيت اللي اقةل فيه يامن سمع القاف لا تقول لي ويش ... وانكان تنشد ويش جاوبنتك اماش وهذا يدل على ان الموضوع حساس وغير قابل للتوضيح لعدم احراج المقصود او تجريحه علنن اتمنى اني قدرت اوضحلك من غير الدخول في التفاصيل اسعدني مرورك يامحمد تحياتي وتقديري لك |
| الساعة الآن 07:05 PM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir