شبكة رواسي نجد الأدبية

اقدم لكم هذه القصيده يقلمي

استغفرالله ذاكره ومسبح = ولكل عبد مانوى واعماله
مع قوة الايمان انا متسلح = وكلن من الدنيا يشدرحاله
طبيت في سوق الغلا متربح = وكلن حسب سعيه يزود رياله
ولقيت به السامج مع المتملح = قدكونو مجموعة حياله
تشبع المادح من المتمدح = وانتشرت النمه مع اهل القاله
في مجتمع ياللاسف متشرح = كل العناء بشرايحه واشكاله
شفت الاماني من بعيد تلمح = وواعدت عشره كلهم جماله
وجمعت جمعي والزمان يطرح = وضربت حاصل ناتجه بامثاله
وخليت مندوب الظروف يصرح = عن ما مضى لي بالزمن واهواله
ماني بعذب الهرج بالمتمنح = وماا حتاج للشاوي ولاالوباله
ومدام منتوج العقول متنح = لاخير بالرجلي ولاالخياله
ما ني بلا سايح ولامتفسح = في جرهدي البيد والاجباله
كتبت شعري والعقول تسرح = ونبهت رمزه ثم نصب تمثاله
واللي بكل وادي يهيم يطبح = بطلاسم ماتفكها الدجاله
مايفرق الغامض من المتوضح = الا بتاويل الذي يحكى له
وما نبه الزراي للمتنحنح =الاالذي لعيب البشر ختاله
واللي بغطرسة الاناء مترنح= يطيح من عين اليقين حثاله
لياصار معدوم الحياء متبجح = مع الخيل ياشقراء يميل عقاله
خله على اخطاء الجهد متفرح = ليا انكشف دقه يضيع جلاله