مرحبا مرحبا يامرهف احساس والله = في محل الرجال اللي تحي الرجالي
شفت ابك نوع من نوع المشاعر تمله = فسر الوضع يارجال يابري حالي

البقى يا المرحب والوفاء عادتله=في محل الرجال اللي لهم قدر عالي

كل لغزن ياغازي عندنا كل حله=فيه حملن يشال وحمل صعبن يشالي

علمك اللي تقوله زين محدن فطله = شايلين الاوايل تاركين التوالي
يابن عمي من المعسول ريقك تبله = مار عطنا على المعقول كيف الدلالي

كان مايعجبك يا راعي الطيب خله=من يجيب الاجابه عرف حل السوْالي
كم وكم واحدن طعم العسل ما حصله= احمد الله مدامك خالي البال سالي

ابك انا غير درب العز ماني بدله = خل عنك التلوي لاتلو الحبالي
كان وسط العسل ياصاحبي طعم عله = ماطلبه ون عكست الدرب ياهم الالي

عارفين السلووم ودربنا مانزله=طبعنا ماتغير من قديم الليالي

افهم العلم يارجال دقه وجله=وان عطيتك ذهب نبغى المقابل ريالي

راعي الجود بالماجود مافيه خله = نعم يهل الكيان ونعم ياهل الضلالي
اسمك اللي تشيله ويش في سد ضله = بيع واشتر ياذيب الناس والسوق غالي

كل فارس معه سيف بكفه يسله=وانت من عزوتن وقت اللقاء ماتبالي
اسمي اللي تقوله منت عارف سجله=اعرف السوق واشري منه من حر مالي