شبكة رواسي نجد الأدبية - القصيد الرايع

وين ياتاج القصيد اهل القصيد الرايع
ينحتون من الصخر له مفرداتٍ جزله

بسوقه المعهود لاشاري ولا من بايع
غير ما به من قديم بضاعته مختزله

الذوايق حيم حوله والمورد جايع
خذلةٍ يالتاج مع شرواك ماهي سهله

قلت ثلج ابداعهم بالقيض شكله مايع
لكن ثلوج الشتاء اللي فات وش سوت له

وين نايف مع هل الابداع صيته ذايع
اقصد بن خويتم بفكري من اول وهله

محمدين بظلم ما واحد لقربك طايع
قل حمد +حمد ما احدٍ يسعني جهله

وين شاعرةٍ يجيها القاف سرعه فايع
ما يخالف هجسها لحظات لو ينده له

وانت يا خيال لو لاعك بخرسه لايع
ولا عطاك الرمش للتفكير لحظه مهله

وكان قلتوا وينك انت؟؟العب بوقتٍ ضايع
هاجسي يلعب هواء//قريحتي منقتله