|
عـطــر
كلما تسرين .. بخّيتي عِطِر ما نشمَّه يـ الطبيبه في الدوام و الحقيقه إنِّك الورد العَطِر غآنيه .. نيرانها برد و سلام لك عيون تخلي الفرحه عشر و ابتسآمك يملي الكون ابتسام لك محبَّه في فؤآدي .. لك سحر لك غلا ما هو لغيرك . و احترآم فيك رحمه ليَّنت قآسي الصخر فيك بحَّة صوت لا زآن الكلام طيِّبه روحك . أرقّ من الزَّهر جوهره شفآفه و معدَنْك خآم صآدقه والصدق نآدر في البشر بنت عز و عآلية قدر و مقآم وجه خير و قلب طير و طرف اَغَر نجم ليل و بدر كون و كـ الحمام مسك جنَّه شآذيه .. نسمة بحر لك عبق يشفي الموآجيع السقآم كـ الملآك الطآهر .. و نور القمر فيض نبعك من زلآل و من مُدآم غير فجرك ما تبي عيني فجر لا و لا للروح رغبه أو مرآم شعري ان ما يوصفك بـ انسى الشعر و اكسر اقلام المشاعر في خصآم يا يجي مثل القلآده للصدر أو عسآه ان أعجزه حسنك عدآم كيف موجك دام ذي قطرة مطر أغرقتني فيك .. خلتني حطآم كيف يظمى عآشقك و انتي نهر و الله لـ ينسى الظما ويّآك عآم يحفظك ربي من آلآم القدر و اقبلي هذي الهديَّه . و السلآم |
قصيده رآئعه وأبيآت عذبه
صح لسآنك مليووووون ويعطيك العآفيه على هالرآئعه |
صح بدنك و كلك جوهرتنا الغاليه
لك جل تقديري و احترامي مع أرق و اجمل تحيه |
ياسلام ياسلام هالرائعة
صح لسانك مدد شاعرنا ولاهنت |
صح بدنك و كلك يا رحيل
لك جل تقديري و احترامي مع أرق و اجمل تحيه |
صح لسانك مليوون ولا هنت شاعرنا
دوم مبدع يعطيك العافية |
صح السانك قصيدة معبرة تخللها شيء من الجمال والتصوير اعجبتني في مضمونها وبنائها يعطيك العافية بس سؤال ...(وقبلي هذي الهدية والسلام) ماهو القصد هههههه
|
صح بدنكم جميعا و سلمت قلوبكم مع أرق و اجمل تحيه |
| الساعة الآن 06:26 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir