|
عبدالله بن طلال
جيت اعيش الذكريات القديمه فالمكان
اتونس وألعن إبليس وأجوائي سرور أتفقد ما كتبته وما قال اللسان ما نويت اكتب قصيده ولا اسجل حضور لين شفت اسمٍ تغير بعد جاه الزمان وقال تم وجاه مسرع وهالدنيا عبور والله إن الوقت يركض ولا عنده ضمان تمسي وتصبح جنازه تلاقفها القبور ما يعرف الموت حاكم ولا يعرف فلان ولا يعرف أهل الوفا من عديمين الشعور يا ابو مشعل وين روحت يا هاك الحصان والله إن الصدر ضايق مثل كل الصدور الصدور اللي تعزك ولك فيها كيان والأمور تصير صدفه وتكشف لك أمور بالوفا والطيب تذكر وأنا شاهد عيان يا عسى الفردوس ملفاك والذنب مغفور ويا عسى ملفاك روضة من رياض الجنان تسقي أرضه عقربية وتملاها زهور |
الله يرحمه و يغفر له و يجعل مثواه جنات النعيم
صح لسانك حمد و سلمت روحك تقبّل مروري المتواضع و لك كل التقدير و الاحترام |
الله يرحمة ويتجاوز عنه والله من الرجال اللي تفتقد
ونعم الأخ كان بينا تواصل وزيارات باستمرار الله يرحمة وصح السانك اخي الشاعر وتشكر على هذه المشاعر النبيلة والجميلة تجاه من نحب جميعاً دمت ودام مداد قلمك وبالتوفيق |
الله يرحمه حمد الخالدي تسلم على الأبيات الجميله شكراً لك |
ياهلا والله ياحمد
وصح الله لسانك على هالرائعه الله يرحم ابو مشعل ويسكنه فسيح جناته واموات المسلمين اجمعين يارب كفيت وفيت ياحمد وابو مشعل من الشعراء اللي لهم مكانتهم في رواسي دمت ودام مداد قلمك ورقي حرفك تقديري وتقييمي وختم التميز لسموك النجلاء |
يامرحبا يالخالدي
وجزاك الله خير وافي وافي يالخالدي والله يرحم ابا مشعل واسأله ان يحفظك من كل شو ومكروه وفيت وكفيت ولاهنت وبيض الله وجهك |
صح لسانك يالخالدي
تغمده الله ابو مشعل بواسع رحمته ومغفرته ورضوانه، وأسكنه فسيح جناته، |
البقا بالجميع والله يجزاكم خير ويبارك فيكم ويغفر لأبو مشعل ويرحمه
|
| الساعة الآن 05:48 AM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir