نفس جفت ياويحها
 

ترحيبيه في حفلنا ليلة السبت الفايت

بسم من لاقال للشي(كن)كان وحصل=راحم المؤمن ونفسٍ جفت ياويحها
بعدها يامرحبا عد ما وبل ٍ همل=ونبت نجد ليا اختلط بالخزامى شيحها
ياهلا ترحيبةٍ مثل منتوج النحل=والمصايف وردها ريحته من ريحها
الفرح نجمه بكم توه ابدر واكتمل=هاجسي تدحم خيول النبط فصيحها
من اعالي نجد لو قام شاعر وامتثل=السراة بروقها له تشاعق ضيحها
وشرق نجد ان جا منه شاعرٍ قرم وصمل=بل كبد الذائقه/منطقه يريحها
جبت صوت وبالصدى له انا كلي امل=واري زنود الشعر ولعوا قديحها
جعل ناشي غر الامزان وبله لانزل=دار عشاق الشعر منه يروى سيحها

النون في بداية البيت قبل الاخير با تصير بحفلنا
خاصيى التعدير والاقتباس عندي معدومه

ياهلا ابو عبيد وصح السانك
ابيات تحمل جميل المعاني ولاهنت على ماقمت به
خلال زيارتنا لك في محلك جعلة منزل مبارك والله يوفقنا
وياك والجميع إلى مايجب ويرضا وصح السانك مره أخرى مشاعر متقدة
لا عدمناك كل الشكر وبالتوفيق

صج لسانك يابو عبيد

منزل مبارك جعله عامر بذكر الله وطااعته
و يجعله من البيوت الصالحة العامرة
و يديم عليكم السعادة في الدنيا و الاخرة

صح الله لسانك ملايين يابو عبيد
ومبروك المنزل الجديد وعسى ناصيته عليكم مباركه يارب
وجعله عامر بوجودك ان شاء الله
تقديري لسموك
النجلاء

صح لسانك ودام عزك و بارك الله لك و فيك و عساه عامر دوم يارب

الله عليك شاعرنا
صح لسانك ولا هنت
ابيات جميله عساك على القوة

صح لسآنك شاعرنااا
ومنزل عآمر بوجودك