@هديـه@
 

جديدي لـ التواصل مع تاج القصيد
عسى ان ينال الذائقه,,,

ماتحترم وهج المشاعر ولا الشوق؟
ماتحترم عذب الحروف النديه

يالمجرم اللي خذت قلبي من الذوق
عطْه الغلا والود والمقدريه

والا علي ردّه ولا ابي لك حْقوق
مافات ذكرى واعتبرها هديه

شمس الموده دونها غيم وبْروق
وعج ورعد تزعج مسامع دويه

ثوب الصبر من جاير البعد مشقوق
حبل الوصل قطّع قساته يديّه

متى على الله بس ابـ رْتاح واروق
وانسى مع الايام وادْلَهْ شويه

يقول الاول كل مطرود ملحوق
وانا حدود الصبر لحقت عليه!

الله الله
ياسلام عليك وصح الله لسانك ملايين
مبدعه وجزله وشهادتي فيك مجروحه شاعرتنا
دمتي ودام مداد قلمك ورقي حرفك الفاخر
تقديري وتقييمي وختم التميز لسموك
النجلاء

الله الله
ياسلام عليك يا نجد جزلة ومبدعة
ورائعة شاعرتنا صح لسانكِ مليوووون
ولاهنتي ياغالية

أبدعتي وأمتعتي شاعرتنااا
قصيده جزله وأبيآت رآئعه
صح لسآنك مليوون ولا يكفوون
ويعطيك العآفيه على هالرآئعه

صباحك ورد يا نجد
صح لسانك و سلم قلبك
إبداع غير مستغرب
دمتي بكل خير و محبه
ولك ودي و تقديري و احترامي

كعادتك شاعرتنا مبدعه
صح لسانك مليون ولا يكفون