بعض الرجال حليل وبخيل وخبيل
 

بعض الرجال حليل وبخيل وخبيل
وعند اللوازم والقسى لا يصاحبك

عليك باللي بالمهمات حلحيل
اللي اليا بان الخلل فيك يعجبك

اللي يقدم صافي البن والهيل
ويقدم الزرنيخ للي يحاربك

حطه على يمناك من نايد الجيل
ودسم يمينه بالشحم قبل شاربك

خله حزام اليا حصل بالدهر ميل
حشم جنابه وحسبه من قرايبك

هذا ومثله لأسمر الليل قنديل
تسري على ضوحه سماري نجايبك

وشربك هماج وشرب غيرك شهاليل
اخير لك من قرب ناسٍ تشاغبك

واليا بليت بخمةٍ من مشاكيل
روزه خفيف وجوهره ما يناسبك

قل له سواتك من خيار الرياجيل
خله يزعزع مع هل النمك بالدبك

يسجع مع القتات ذيب الدهاويل
حباكة المجهول بالسالفه حبك

اوجزت قولي يا رجاء بالتماثيل
والشعر معنى والمعاني تبى سبك

عيد بجاد ابن شده

الله الله
صح لسانك مليوووون
ودام إبداعك شاعرنا
ولاهنت

الله الله
عيد بن شده
صح لسانك واعتلا شانك
مبدع وجزل كما عهدناك
دمت بخير شاعرنا
لاهنت

السلام عليكم ورحمة الله وبركاته
اسعدالله اوقاتكم بكل خير

صحت ابدانكم

نص جميل ومتميز
يعطيك العافية ولا هنت شاعرنا