كريم يا مزنٍ بروقه شعتني
 

كريم يا مزنٍ بروقه شعتني
نوه حقوق ويسقي الارض ديمه

جلست اخيله والبروق بهرتني
فيه الرعد ياصاح يذهل رزيمه

عساه يمطر كل ساعه وحتني
على ديار اهل الكرم والغنيمه

لوكان داري يا ملأء ما جفتني
مرتاح مع ناسٍ عربها مقيمه

لكن ماضي سيرتي ذكرتني
هرج النديم اللي يناجي نديمه

عنهم ضروفي يا محمد نحيني
عن شوف محمود السجايا العديمه

مع هجعة النايم شجوني خذتني
وزرت النديم اللي وفاء مع نديمه

قلت السلام وبالنظر خاطبتني
بخرس العيون الساحرات السليمه

كن القمر في جيدها يوم جتني
تلمح بوادر طلته وسط غيمه

بكف(ن) مثل لون الذهب خامستني
واسترسل بعلومها والعزيمه

اخبرتها باللي حصل واخبرتني
عن الشداد وقيد شقراء وريمه

وقلت الوداع بالكرم وادعتني
على النقاء وسلوم ناس كريمه

#__عيد بجاد بن شده

الله الله الله
صح لسااااااانك
ولا نستغرب الإبداع من اهله
لاهنت شاعرنا

الله الله
عيد بن شده
صح لسانك واعتلا شانك
مبدع وجزل كما عهدناك
دمت بخير شاعرنا
لاهنت

السلام عليكم ورحمة الله وبركاته
اسعدالله اوقاتكم بكل خير

صحت ابدانكم

نص راقي
صح لسانك ولا هنت شاعرنا

صح لسانك وبيض الله وجهك على اتحافك الجزل
لاعدمنا ابداعك شاعرنا
تحياتي