|
وش أكتب !!
وش أكتب .... !! عسى تروق لذوقكم
^_^
وش أكتب وما في خاطري بالقلم مكتوب = وقصة خيالي في الدواوين مكتوبه ^^^^كتبنا على المنكوس والهزج والمسحوب= قصايد على بحر الطواريق مسكوبه بنينا على بحر الهوى شعرنا بالطوب = على ميدة الآمال طوبة على طوبه عمود المعاني يحتمل سقفها المصبوب = وصف القوافي كنها خيل مركوبه قصايد يماثل طولها لابسات كْعوب = وبالمختصر في عرضها خصر مسلوبه خيال الصور في قدها ما بلغ مطلوب = حقيقة صورها يعجز الشعر عن صوبه تمادت هجوسي والهوى صار لي مشروب= مع الصبح طيفه ذاب في كأس مشروبه مع كل هبة ترتسم صورة المحبوب = نسايم غرامه داخلي نار مشبوبه لو أصب نهر النيل بالجوف والدانوب = حشى ما تطفيها وكلاّ من التوبه وأعاتب هجوسي علّها تهتكب وتوب = ولكن قلبي خان وأصغى لمحبوبه وسلامتكم |
الله الله
عبدالله الدنيش صح لسانك واعتلا شانك مبدع وجزل وشهادتي فيك مجروحه مروري وتقديري لاهنت |
صح لسانك يالدنيش
مبدع وجزل وموغريب عليك الجزاله نص فخم وجزل يعطيك الف عافيه تقديري لك واعجابي |
الدنيش
صح الله لسانك ملايين شاعرنا مبدع وجزل وشهادتي فيك مجروحه دمت ودام مداد قلمك ورقي حرفك تقديري لسموك النجلاء |
سلمت شاعرنا
صح لسانك مليون ولا يكفون يعطيك العافية ولا هنت |
الله يصح لسانك يـ الدنيش
وسلمت ودمت على هـ الراائعه والابدااع العذب تقديري,’’ |
صح اللسان و سلم البنان و بيض الله وجهك يالسمي دمت بكل خير و محبَّه و لك كل الود و التقدير و الاحترام |
الله الله
صح لسااانك على هالرائعة ولاهنت |
| الساعة الآن 05:01 AM بتوقيت السعودية |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.Almuhajir